Onajon - ka'bam o'zing

Она Ер, Она Ватан, Она Тил ва Она Табиат. Биз мазкур тўртта номни онасиз талаффуз қилсак, нимадир етишмаётгандек, кемтикдек бўлиб қолади. Шу тўрт номсиз ҳаёт йўқ, демак онанинг яна битта номи Ҳаёт. Бус-бутун Ҳаёт. Дунё тарихларини, адабиёти-ю санъатини, жамики, бетакрор ижод намуналарининг бош мавзуси – Аёл. Аёл эса – Она, опа, сингил, ёр... Азиз меҳр-муҳаббат шайдолари ва Онасини беҳад ардоқловчи китобхонлар. Китобда ёзувчиларнинг она ҳақидаги дил сўзлари, ҳеч кимга айтолмай, ҳаммага айтаётган туйғуларини жамладик. Тўпламни мутолаа қилаётганда онангизни яна бир бор эслаб, омон бўлинг, онажон, десангиз, шу бизга кифоя. Ютуғимиз ҳам, ниятимиз ҳам шу...