Ongingizni ozod qiling

Evolyutsiya tufayli maymun insonga aylangan, degan Darvin naza- riyasi hamon shubha ostida ekanligi rost. Lekin inson mehnat va taraq- qiyot natijasida BAXTLI INSONga aylanishi ayni haqiqat. Chunki odam kim bo'lishidan va nima bilan shug'ullanishidan qat'i nazar uning ishla- tilmayotgan a'zosi kundan-kunga zaiflashib borishi ilmda isbotlangan. Hatto u o'z funksiyasini yo'qotishi mumkin. Shuning uchun ba'zan chap qo'l bilan ham yozib turishni maslahat berishadi. Miya esa butun tanamizning hukmdori, uning qarorlari va buyruqlari asosida vujudimiz harakatlanadi. Xatti-harakatlarimiz esa hayotimizni yaratadi. Shunday ekan, avvalo, ongimizni turg'unlikdan chiqarishimiz kerak. Ushbu kitob ongni o'stirish uchun izlanish, ishlash, mashq qilish lozimligini uqtiruv- chi ogohlik so'zlaridan iborat. Aziz o'quvchiga yoqimli mutolaa tilaymiz.