Oshga ha birga, toshga ham birga

Oshga ham birga, toshga ham birga — “Ajoyib ishlar” jamoasining Londondagi kulgili va hayajonli sarguzashtlari haqida hikoya qiluvchi bolalar va o‘smirlar asari. Ingliz tili murabbiyi Umar ustoz boshchiligidagi qahramonlar yozgi til o‘rganish lageriga Angliyaga yo‘l olishadi. Biroq safar davomida ular nafaqat ingliz tilini o‘rganishadi, balki turli millat vakillari bilan tanishib, yangi madaniyatlar va kutilmagan vaziyatlarga duch kelishadi. Jamoa zakovat, chaqqonlik va jismoniy kuch talab qiladigan “Level” o‘yinida ham qatnashadi. Qalin o‘rmon, turli mamlakatlardan kelgan raqiblar va olti soatda bajarilishi kerak bo‘lgan uchta murakkab vazifa qahramonlarni chinakam sinovdan o‘tkazadi. Asarda do‘stlik, jamoaviylik, sarguzasht va yumor bir-biri bilan uyg‘unlashgan.