Oshiqlar naylasin

Fuzuliy aytadiki: «Sevgilim boqishlari bilan koʼnglimga bir oʼq otdi, ishqqa tushdim, yaralandim. Yo Rabb, meni tuzatish uchun sevgilim otgan oʼsha oʼqni chiqarishga urinsalar, yarador qalbim oʼrnidan chiqsin-u, mahbubimning oʼqi shundoq qalbimda qolsin». Bu ishlarni hazrati Fuzuliy bilmasa kim bilsin: «Ishq dardi bilan xush boʼldim, ey tabib, menga dori berishdan voz kech. Men uchun darmon qidirma. Zero, meni parishon qiladigan zaxar sening darmoningdadir». Niyozi Misriy hazratlari ham biladilar. Tarannum boshqa-yu, maʼno ayni. Darmon izlardim dardima, dardim menga darmon emish, Burhon soʼrardim aslima, aslim menga Burhon emish. «Men dardimga darmon izlash bilan ovora boʼlib yuribman, bilsam, dardimning oʼzi darmon ekan. Аslim nimaligi haqida hujjat qidirdim, aslimning oʼzi hujjatligi maʼlum boʼldi». Dardni darmon ayladik, deydilar. Butun dardlar darmonni topgach, tuzaladi. Ishq dardi ortgani sayin kishiga darmon boʼladi.