Otoyining tug'ilgan yili

O'zbekiston xalq yozuvchisi, zabardast ijodkor Erkin A'zamning ushbu kitobi yoshlar hayoti, ularning dunyoqarashlari-yu shox-shodon kechinmalari, ilk muhabbati-yu iztiroblari haqida. Kitobdan salkam ellik yil burun yozilgan mashhur "Otoyining tug'ilgan yili" va undan ham avval bitilgan-u, "sovet pedagogikasiga to'g'ri kelmagani uchun" uzoq vaqt bisotda qolib ketgan "Kechirasiz, ortoq muallim!" qissalari o'rin olgan. Bugungi navqironlargada manzur bo'ladigan bir-biriga ruhan yaqin bu asarlar yuksak professionalizmi, badiiy jo'shqinligi, o'ziga xos jozibasi hamda achchiq-kinoyali tili bilan ajralib turadi. O'ziga yetguncha sarkash, ammo mard va olijanob yosh qahramonlar dunyosiga marhabo, aziz kitobxon!