Oyatlarda madh etilgan sayyidalar

Қуръони каримда зикр этилган аёллар қиссаси уларнинг жамият ҳаётида нақадар юксак ўрин тутишига далилдир. Чунки Аллоҳ таоло эркакни аёлга, аёлни эркакка эҳтиёжманд қилиб яратган. Улар бир-бирига ёрдам беради, бир-бирига суянчиқ бўлади, бир-бирининг камчилигини тўлдиради. Қўлингиздаги ушбу китобда оятларда мақталган аёллар ҳақида сўз боради. Уларнинг баъзилари пайғамбарларнинг онаси, баъзилари аёли, баъзилари қизи. Баъзилари бошқа бир сабаб билан қиёматгача тиловат қилинадиган Қуръони каримда ўрнак ва намуна ўлароқ зикр этилган. Китобни ўқиш давомида солиҳа аёлларнинг ҳаёт йўллари, чеккан машаққатлари, ибратга тўла ҳаётлари билан яқиндан танишасиз.