Pedro Paramo

"Pedro Paramo" romani Lotin Amerikasi adabiyotining ikki davri: "primitiv"- sarguzasht roman hamda yangi psixologik roman davrlarini o'zida birlashtirib turadi. Asar syujetiga asos bo'lgan badavlat otaga o'zini tanitish, uning e'tirofiga sazovor bo'lish uchun otlangan o'g'il voqeasi "primitiv" romanlarga xos edi. Lekin adib Xuan Rulfo asarning ikkinchi sahifasidanoq asar ruhini oʻzgartiradi endi uni syujet, voqealarning rivoji qiziqtirmaydi, aksinchа, adibni voqelikning komalaliklarning ko'nglidagi aks sadosi qiziqtiradi. Ulug' adib Luis Borxes bu roman haqida shunday degan edi: "Pedro Paramo"- aql bovar qilmas asar va bu asarga teng keladigan boshqa bir zamonaviy asar yo'q". Borxesning ta'rifi shunchaki balandparvoz gap emasligiga ktobni o'qib chiqqach amin bo'lasiz degan umiddamiz.