Pushkin ertaklari

Barcha uchun sevimli «Baliqchi va baliq haqida ertak» nomi bilan mashhur she’riy satrlar, unga ajoyib tarzda ishlangan multfilm hali-hanuz barcha yoshdagi insonlar e’tiborini qozonib keladi. Buning siri nimada? Asarning jozibasi uning xalq qalbiga yaqinligida. Pushkinning boshqa asarlari haqida ham shunday fikrlarni bildirish maqsadga muvofiq. Xalqning dardi, qismati, fazilati, kamchiligi, nuqsoni, tabiati, qo‘yingki, odamzodda mavjud bo‘lgan barcha o‘ziga xosliklar aynan adib asarlarining bezagi, ayni paytda badiiyatga ko‘chirilgan iqtidoridan nishonadir. Aynan shu jihatlariga ko‘ra adib asarlari odamlar ko‘ngliga yaqin. Qolaversa, har bir asardan xulosa chiqarishni muallif kitobxonning o‘ziga havola qiladi. Biz ushbu mo‘jazgina kitobchamiz orqali Pushkin ijodi bilan yaqindan tanishtirish barobarida hayotimizda uchraydigan turli vaziyatlardan to‘g‘ri xulosa chiqarishga undaymiz.