Qadrdon dalalar

Asarning nomini o‘qigandayoq ko‘ngilga yorug‘lik oqib kirgandek bo‘ladi. Bepayon dalalarga boqqan kishining diliga ajib ohanglar quyiladi go‘yo. Qissada Po‘latxon va Nazokatning beg‘ubor sevgisi hikoya qilingan. Po‘latjon urushdan qahramon bo‘lib, bir oyog‘idan ajralib qaytgan. Lekin Nazokat yigitning bir oyog‘i yo‘qligini bilsa ham undan ajralmaydi... Ushbu qissa O‘zbekiston xalq yozuvchisi, O‘zbekiston qahramoni Said Ahmad qalamiga mansub. Shuningdek, to‘plamdan adibning turli yillarda yozilgan hikoyalari ham o‘rin olgan.