Qalblar shifosi

Ushbu «Qalblar shifosi» asari taniqli voiz, din va jamoat arbobi marhum Fozil qori Yosin hoji oʼgʼli Sobirovning yigirmadan ortiq katta-kichik maqolalardan iborat. Ularda bayon qilingan fiqh-mulohazalar yosh avlodning iymon-eʼtiqodli, diyonatli, halol-pokiza boʼlib tarbiyalanishni maqsad qilib olgan. Kitobda hozirgi davrimiz uchun gʼoyatda zarur boʼlgan fiqh-mulohazalar, hikmatlar, pandu nasihatlar majmuasi keng xalq ommasiga, ayniqsa, yoshlarga tushunarli, oddiy tarzda bayon qilingan. Jamiyatimiz uchun suv va havodek zarur boʼlgan masalalar ravon, ommabop, sodda uslubda qogʼozga tushirilgan. Koʼtarilgan masalalarda ilmiy nuqtai nazardan keng qamrovli hamda Qurʼon va hadislarga tayanib, buyuk allomalarning asarlaridan ham samarali istifoda etilgani bois, bu asar oʼz mazmun-mohiyati jihatidan diniy-ilmiy ahamiyatga ham ega. Mavzular muallif Fozil qorigagina xos boʼlgan alohida bir uslubda, mukammal bir holatda oʼz ifodasini topgan.