Qizil, sorig', yashil

Taniqli shoira Nodira Ofoqova mumtoz adabiyot ning nodir tadqiqotchisi ekani adabiyot ahliga yaxshi ma’lum. U Xoja Ahmad Yassaviy, Alisher Navoiy va boshqa mumtoz shoirlarimizni o‘qish, tushunish, tahlil qilish salohiyatiga ega nuktadon mutaxassis ekanini ko‘pchilik e’tirof etadi. Ham shoira, ham olima sifatida qalam tebratib kelayotgan Nodira Ofoqova yana bir yangi ijod namunasini she’riyat ixlosmandlari qo‘liga tutqazayotir: “Qizil, sorig‘, yashil”. Shoyiraning ushbu to‘plamdagi g‘azallarida ilmiy bilim va salohiyatini vobasta etib, zamonaviy inson, ayniqsa, ayol qalbining tug‘yonlarini aruz vaznida, nozik musiqiy ohangda ifoda eta bilgan.