Rasululloh sollallohu alayhi vasallamning HAYOTLARIDAN 101 QISSA

Ushbu kitob Muhammad Siddiq Minshaviy Suhajiyning qalamlariga mansub bo‘lib, G‘iyosiddin Habibulloh va Oybek Ne’matulloh tomonlaridan o‘zbek tiliga tarjima qilingan. Risolada Rasululloh sollallohu alayhi vasallamning hayotlarida musulmonlar uchun ibrat bo‘lgan 101 qissa-voqealar jamlangan. Har bir qissa qisqa-qisqa keltirilgan bo‘lishiga qaramay ularni o‘qisangiz va uqsangiz, Nabiy sollallohu alayhi vasallam haqlarida avval anglamagan go‘zal tasavvurlarni hosil qilishingiz, o‘zingiz uchun U zot alayhissalomni har jabhasida o‘rnak qilib olishingizga yetarli vasila bo‘ladi, inshaalloh. Kitobni o‘qir ekansiz, unda keltirilgan Payg‘ambarimiz sollallohu alayhi vasallamning hayotlaridagi qissalar hayotingiz davomida duch kelishingiz mumkin bo‘lgan muammolarga go‘zal yechim bo‘ladi, degan umiddamiz. Mazkur risola to‘rt qismdan iborat. Bu kitob 1-qism bo‘lsa, 2-qismi Rasululloh alayhissalomni sevish, u zotga muhabbat qo‘yish haqida, 3-qismi Nabiy alayhissalomning ahli baytlarini sevish haqida, oxirgi 4-qismi esa Payg‘ambar alayhissalomning so‘nggi lahzalaridan 101 qissalardan iborat bo‘ladi, inshaalloh. Kitobning ushbu navbatdagi juzlari ham tez orada nashr qilinib, siz aziz kitobxonlarning qalblarini xushnud qiladi, inshaalloh.