Reychel

Yangi tarjima — «Reychel». Oldinroq Dafna Dyu Moryening «Rebekka» asari tarjima qilinib, nashr etilgandi. Asar bosh qahramoni Filipp ota-onadan juda erta qolgan, ammo yaqin qarindoshi – katta mulk egasi bo'lgan Ambrouz Ashley qaramog‘idagi balog'atga yetgan yigit. O'z dunyosi, oilaning yozilmagan qoidalariga ko'ra, sulola vakillari ayollarsiz yashashni o'zlari uchun to'g'ri qaror deb bilishadi. Qarori shu darajada qat'iyki, qarindoshlar, ayollar haqida mutlaqo bilishni, hatto eshitishni istashmaydi. Va tabiiyki, ojiza deb ta'riflangan jins vakillarining qanchalar hiylaga qodirligini tasavvur ham qilishmaydi. Muhabbat bo'lib ko'ringan tuyg'u doim ham inja hislardan iborat emas. Bu gapning qanchalar haqiqat ekanligiga mazkur asar mutolaasidan keyin yana bir bor amin bo'lamiz. Nafsiga erk bergan, aslini ma'sumalik ortiga bekitgan ayol pirovardida fojiaga ro'baro' bo'ladi, bu, so'zsiz, adolat tantanasidir. Zero, ezgulik hech qachon yo'qlikka mahkum bo'lmaydi! Ushbu kitob romanning ixchamlashtirilgan shakli.