Samarqand yoxud zulmatda qolgan ziyoni izlab

Olamda sanoqli muqaddas kitoblar borki, ularning muqaddasligi ilohiyot bilan bevosita bog‘liq ekanini yaxshi bilamiz. Shu bilan birga, sayyoramizning turli hududlarida kitobxonlar sevib mutolaa qiladigan kitoblar ham bor. Asli kelib chiqishi livanlik bo‘lgan taniqli fransiyalik adib Amin Maalufning «Samarqand» romani ana shunday yuksak qadrli asarlar sirasidandir. To‘rtta kitobdan iborat ushbu romanda voqealar rivoji 1048-1131-yillarda yashab o‘tgan va Umar Xayyom taxallusi bilan ilm-u ijod qilgan buyuk matematik va astronom, faylasuf va hakim, mutafakkir va shoir Gʻiyosiddin Abulfath Umar ibn Ibroxim Xayyom Nishopuriy Samarqandga kelgan XI asrdan boshlanib, XX asr avvalida Yaqin Sharq mamlakatlarida sodir bo‘lgan ijtimoiy-siyosiy, tarixiy voqealar girdobida Xayyom ruboiylari qo‘lyozmasini widirib Eronga kelgan yosh amerikalik fransuz yigiti Benjamin Umar Lessajning sarguzashtlari, uning qo‘lyozma bilan birga «Titanik» kemasida ummon qa’riga g‘arq bo‘lishi voqealari bilan yakunlanadi.  Asar keng kitobxonlarga mo‘ljallangan.