Sen ketganingdan keyin

Biror-bir ayolni eng oxirgi marta qachon sevgansiz? Biror-bir ayolni so‘nggi bor qachon o‘pganingizni, quchoqlaganingizni, birga uxlaganingizni so‘raganim yo‘q. Biror-bir ayolni eng oxirgi marta qachon chin yurakdan, samimiy sevgansiz? Yo‘qotib qo‘yishdan qo‘rqqan, yoningizda bo‘lsa ham sog‘ingan, telbalarcha rashk qilgan, ko‘z qorachig‘ingizday asragan, himoya qilgan holda biror-bir ayolni eng oxirgi marta qachon sevgansiz?.. “Jasur yigitlar hech narsadan qo‘rqmaydi”, kabi gaplarning hammasi behuda. Qo‘rqishingiz shart. Qalbingizni zabt etgan ayolni yo‘qotishdan qo‘rqishingiz, uni rashk qilishingiz, boshqalardan qizg‘anishingiz shart... Ko‘chada uning qo‘llaridan ushlab yurishingiz, tanishlaringizning hammasiga uni tanishtirishingiz lozim. Go'yoki: “Bu ayol — mening hayotim!” — deyotganday tanishtirishingiz shart. Agar chiroyli bir ayolni sevishni istasangiz, uni tabassum qildira olishingiz kerak. Chunki baxtli ayol — dunyoning eng go‘zal ayolidir. Siz uni baxtli qila olishingiz shart. Ha, aynan shuning uchun ham uning kipriklarini ham seving... Kaftlarining ichini ham seving... Pardoz-andozsiz yuzini ham seving... Tunlari bedorligini ham seving... Uni sochlarini yuladigan ayolning azob-uqubatini tushunadigan, anglay oladigan darajada seving. Shuningdek, ayolning o‘z sochlarini yulishiga sababchi bo‘Imang...