Tarixning uzilgan parchasi

Шоир ва таржимон Амиркул Карим “Ўзбекистон адабиёти ва санъати”, ҳозирги "Туркистон", "Хуррият” газеталари, “Ёш куч” журнали ва Ўзбекистон Миллий ахборот агентлигидаги журналистлик фаолияти давомида кўплаб публицистик, адабиётшуносликка оид мақолалар ёзган. Унинг миллий-маданий меросимиз, жумладан, Навоий, Бобур ижоди, ёшлар муаммолари, ОАВнинг жамиятда тутган ўрни ҳақидаги мақолалари, шунингдек АҚШ, Буюк Британия, Италия, Афғонистон, Белгия, Исроил ва бошқа турфа мамлакатларга саёҳати натижасида яралган сафарномалари шулар жумласидандир. Ижодкор бу мақолаларда инсоннинг замон ва макондаги ўрни, турфа халқларнинг ўзига хос жиҳатлари борасида мулоҳаза юритади, ибрат бўлгулик янгиликларни, дунёқарашимизни бойитадиган маълумотларни тақдим этишга интилади. Ушбу мажмуа кенг китобхонлар оммаси, мамлакатшунослик, адабиёт, журналистика соҳасига қизиқувчилар, шунингдек, олий ўқув юртларида журналистикадан сабоқ олаётган талабалар учун қимматли рисола бўлади деб ишонамиз.