Tingla bulbul

Zulfiya XX asr o'zbek she' riyati osmonida chaqnab chiqqan Zuhro yulduzidir. Shoiraning yoqimli lirik so'zi sadolari o'zbek she'riyati navolari orasida yaqqol ajralib turadi, ko'ngillarga yorqin ruh bag'ishlaydi, nur ulashadi. O'zbek ayolining boy va rang-barang ichki dunyosi, ayol erki, ayol qalbi, sadogat va hatto, visol va hijron, pok sevgi, yorug' muhabbat, sevikli yor nashidalari va iztiroblari, ona baxti va armonlari shoira ijodining hayotbaxsh sarchashmalaridir. Uning jahon minbarlaridan yangragan she'rlari Sharq ayolining aql-u zakosi, fazl-u kamolining yorqin ifodasi sifatida millionlab she'riyat muxlislariga odamiylik, muhabbat va sadoqatdan saboq bergan. Ushbu kitobda ardoqli shoiramizning Sizga manzur she'rlari jamlandi.