Tom soyerning boshidan kechirganlari

1876-yilda dunyo yuzini ko'rgan «Tom Soyerning sarguzashtlari» asari Mark Tven nomini nafaqat Amerika, balki jahon adabiyoti tarixiga muhrladi. Asar yillar davomida bir necha tillarga o'girilib, qayta-qayta nashr qilindi. Mashhur Tom Soyer bolalargina emas, balki katta yoshdagi o'quvchilarning ham sevimli qahramoniga aylanib ulgurdi. Har gal kitobni o'qirkansiz, bolalikka qaytib, ko'nglingiz sarguzasht tusay boshlaganini ba'zan sezmay qolasiz. Tomning ayrim kamchiliklari-yu xurmacha qiliqlarini o'z-o'zidan kechira boshlaysiz, uning to'dasida bir zumgina bo'lib qolishniyam xayolingizdan o'tkazib qo'ysangiz, ehtimol. Shunday ekan, mening yosh, bu asar bilan birinchi marta yuzlashayotgan aziz do'stim! Sizga hammasini batafsil aytmoqchimasman, yaxshisi, o'zingiz o'qib ko'ring, vagtingiz bekor ketmaydi. Darvoqe, qo'lingizdagi yana yangi nashr. Suratlari, bezagi, bichimi o'zgargandir, ammo sarguzasht o'sha-o'sha. Xullas, sarguzashtlar olamiga marhamat. Matnga sayohatda sizga ham omad yor bo Isin!