Turkiylarning xayoliy jonzotlari

"Turkiylarning xayoliy jonzotlari" adib Sherzod Komil Xalil tomonidan turli manbalar asosida yozilgan noyob bestiariylar jamlanmasi bo‘lib, u turkiy xalqlarning tasavvur olamida yashab kelgan 40 ta afsonaviy jonzotni o‘z ichiga qamrab oladi. Kitob har bir jonzotning kelib chiqishi, unga oid e’tiqodlar obrazdagi ramziy ma’nolar va xalq og‘zaki ijodida tutgan o‘rnini o‘ziga xos ilmiy-badiiy uslubda tasvirlaydi. Bu asar nafaqat mifologiyani sevuvchilar, balk tarix, madaniyat va san’at ixlosmandlari uchun ham katta qiziqish uyg’otishiga shubha yo‘q. Kitobning alohida ahamiyatli jihati, rassom Chori Shams tomonidan chizilgan betakror suratlardir. Har bir obrazga mos vizual tasvir kitobni yanada jozibali qiladi va o‘quvchini chuqurroq xayolot dunyosiga yetaklaydi. "Turkiylarning xayoliy jonzotlari’" unutilgan tasavvurlar xazinasi bilan bugungi avlodni bog‘laydigan noyob manba bo‘lib xizmat qilishidan umidvormiz.