U

Bahodir Abdurazzoq bugungi kunda samarali ijod qilayotgan ijodkorlardan biridir. Yozuvchining qissa va hikoyalari vaqtli matbuotda e'lon qilingan. „U" nomli qissasida Nurgeldi va Jilvaning fojiali taqdiri hikoya qilinadi. „To'zon" nomli qissada esa qamalgan otasi tufayli maxsus zonada yashashga majbur bo'lgan Bahromning hayoti, ko'rgan-kechirganlari tasvirlanadi. Shuningdek, ushbu to'plamdan yozuvchining „O'g'ri" nomli hikoyasi ham o'rin olgan.