Umid uchquni

Erix Mariya Remarkning mazkur romani qolgan ko'plab asarlari kabi II jahon urushining fojelari haqida bong uradi. Dahshatli konslager changali, insonlik qiyofasini yo'qotganlarning ayanchli zulmi, muttasil ochlik va har lahzada hayotingga chang soladigan o'lim qopqoni... Bularning ta'qibidan qanday qutilish va omon qolish mumkin? Omon qolish mumkinmi o'zi? Remark mazkur romanda shu savolga javob izlaydi va yolg'iz umidgina bizni asrashiga iymon keltiradi. To'g'ri, bu aynan o'zimizni asramas, ammo bizdan keyin keladiganlarni asraydi. Bir inson umidi va irodasi insonning o'zini qutqarmagan taqdirda ham, insoniyatni qutqarishiga asar voqealari dalil bo'ladi.