Virtual yoki real qaramlik

OAV yoxud ijtimoiy tarmoqlar orqali giyohvandlik moddalari va psixotrop vositalariga qaramlik hamda uning ayanchli oqibatlari haqidagi video lavhalarga ko'zingiz tushganda bir seskanib, «Xudoga shukr, menda va atrofimdagilarda bunday qaramlik yo'q!» deyishingiz tayin. Afsuslar bo'lsinki, adashasiz! Bugun Katta ehtimol bilan nafaqat atrofingizdagilar, balki o'zingiz ham tom ma'noda «qaramlar» qatoridasiz... Ushbu jumlalarni o'qir ekansiz, ko'zlaringiz katta-katta ochilgan holda «Menmi?!» deyishingizni tasavvur qilish qiyin emas. Bugungi kunda kompyuter o'yinlari-yu virtual almashish saytlari, shuningdek, maqsadsiz xaridlar-u onlayn qimor o'yinlariga qaramlik deyarli hayotimizning bir boqagiga aylangan. Taassufki, bularga mening aloqam yo'q deya olmaysiz, hech bo'lmaganda qaysidir yo'nalishida faolsiz. To'g'rimi?.. Bu savolimizga to'liq va batafsil javobni qo'lingizdagi mazkur kitobdan olishingiz mumkin. Kitobning so'nggi sahifalarini varaqlar ekansiz, yuqoridagi fikrlarimizga qo'shilishingizga ishonchimiz komil.