Xorijda magistratura

Ushbu kitobning o'ziga xos xususiyatlari quyidagichа: huquqshunos bo'lsamda, mazkur kitobda faqat ijtimoiy- gumanitar fanlar nuqtayi nazaridan fikr yuritmadim. Kitob yozish jarayonida dunyoning turli davlatlarida o'qiyotgan yurtdoshlarimiz bilan Zoom orqali suhbatlar tashkil etib, turli sohа va xorij davlatlaridagi ta'lim tizimini keng ma'noda qamrab olishga harakat qildim. Ulardan jo'yali maslahatlar olishga erishdim. Ushbu ma'lumotlarga ham kitobda alohida o'rin ajratilgan. Yaponiyada o'qiganim va talabalik davrimning asosiy qismi shu yerda kechgani tufayli, mumkin qadar, keng qamrovli yondashishga harakat qilgan bo'lsamda, kunchiqar yurt tajribasining ta'sir qilganini rad eta olmayman. O'quvchilar kitobning bunday xususiyatini to'g'ri tushunadi, degan umiddaman. Umid qilamanki, kitob o'z auditoriyasini tez orada topib, xorijga magistratura bosqichida o'qish niyatida bo'lgan har bir talabaning shaxsiy kutubxonasidan joy oladi. Kitob bo'yichа fikr va mulohazalaringizni  aumirdinov7@gmail.com  manziliga yuborishingiz mumkin. Ayniqsa, xorijga chiqish borasida ma'lum tajribalarni qo'lga kiritgan kitobxonlarimizda yanada foydali ma'lumotlar bo'lsa, nur ustiga nur bo'lardi. Ishoning, siz yuborgan ma'lumotlar kitobning keyingi nashrlarini yanada boyitishga xizmat qiladi.