Xo'rlanganlar va Haqoratlanganlar

Bu kitob insoniylik qadr-qimmati, insonlararo muhabbat, sadoqat haqida. Jamiyatda qanday mavqeda boʻlishdan qatʼi nazar tabiat inʼom etgan umrni yaxshiliklarga sarf qilmoq, uni bidʼatga, nafsga aldanib behuda oʻtkazmaslikka chaqiradi bu asar. Berahm, ochkoʻz bir inson hayotga yaxshilik koʻzi bilan qarovchi, odamlarga yaxshilik qilishni hayotiy maslagi deb biluvchilar hayotini, taqdirini ostin-ustin qilib yuboradi. Qalbi sevgi bilan limmo-lim toʻlgan Natasha, yuragi samolar qadar begʻubor Alyosha, tilida qizini “oq” qilgan-u ammo butun vujudi unga talpinishdan tolmagan Ixmenev, murgʻak yurakchasida sevgi kurtak ochgan, ammo taqdirning bevafo hukmi tufayli nobud boʻlgan Nelli va ularga hamisha madadkor va tayanch boʻlgan Vanya... Siz ushbu kitob orqali ular bilan yuzlashasiz, aziz kitobxon!