Yo'qolgan uyquni izlab

Hayotimizning uchdan bir qismi uyquda oʼtadi. Bu chorak asrdan ham koʼp degani. Shu vaqtni boshqa biror foydali ishga sarflaganimiz maʼqul emasmi? Olimlarning fikricha, tunda yotib dam olish ertangi kunga kuch yigʼish uchun juda zarur. Boshimizni yostiqqa qoʼyib, sakkiz soat shunchaki koʼzimizni yumib, kuch-quvvat toʼplashimiz ham mumkin-ku! Shunday qilib koʼring, oʼzingizni dam olgan kishiday his qilasizmi? Yoʼq, demak, uyqu shunchaki dam olish emas, balki miyaning oʼziga xos holatidir. Аgar miyadagi jarayonlar izdan chiqsa, uyqusizlik paydo boʼladi. Uyqusizlikka chalingan kishilar tunda uxlolmay qiynaladi, turli dorilar qabul qiladi. Mazkur kitobdan tinch uyquga yotib, sokin orom olishga yordam beradigan tavsiyalar, mashqlar, psixologik oʼyinlar oʼrin olgan. Ular har qanday kuchli tinchlantiruvchi dori oʼrnini bosa oladi. Shunga koʼra «Yoʼqotilgan uyquni izlab... yoxud uyqusizlar uchun maxsus kitob» «uyqu» dorisi sifatida psixoterapevt А.Kurpatov, naturopatlar M.Oganyan, Pol Bregg tavsiyalari hamda maqolalari asosida nashrga tayyorlandi.