Yurist

Mazkur kitob, asosan, oʼz faoliyatini endigina boshlagan yosh huquqshunos mutaxassislar uchun moʼljallangan. Bilamizki, korxona va tashkilotlardagi yuridik xizmat faoliyati, asosan, ushbu korxonaning huquqiy manfaatlarini himoya qilishdan iboratdir. Ushbu vazifa boʼlajak huquqshunosdan jiddiy masʼuliyat va yetarlicha mashaqqat talab qiladi. Sababi kundalik ish jarayonida barcha xodimlar aynan huquqshunosga tayanadi, har qanday muammoli holatni uning ishtiroki bilan hal etishni istaydi. Qolaversa, ishbilarmonlik muhitining yanada yaxshilanayotgan va tadbirkorlik faoliyati uchun keng imkoniyatlar yaratilayotgan bir vaqtda korxona rahbariyati ham huquqshunosdan mavjud oʼzgarishlarda shaxsiy faollikni talab qiladi. Biz mazkur nashr yosh huquqshunoslarda ularning dastlabki koʼnikmalarni hosil qilishga, ularning haqiqiy maʼnodagi oʼz yuridik pozitsiyasiga ega boʼlishlarida oz boʼlsada koʼmak bera olishiga umid bildiramiz. Ushbu nashrni tayyorlashda mamlakatimizning 2018 yil 1 dekabrga qadar amalda boʼlgan normativ-huquqiy hujjatlaridan foydalanildi.