Zamonaviy Amerika romanlari

Zamonaviy AQSH adabiyoti barcha (proza (nasr) va poeziya (nazm), dramaturgiya) janrlarda, turli (realizm va romantizm, modernizm va ekzistensializm) uslublarda jaxon kitobxonlari e’tiborini tobora o‘ziga jalb etayotgan, tanqidchilar tomonidan yuqori baholanayotgan asarlarga boy. Yaqin vaqtgacha o‘zbek kitobxonlari tomonidan Amerika adabiyoti asosan Mark Tven, Edgar Allan Po, Jek London, Teodor Drayzer, Ernest Xeminguey, Rey Bredberi kabi adiblar orkali tasavvur etib kelinar edi. Bugunga kelib, tarjimonlarimiz tomonidan mamlakatimizning vaqtli matbuotida turli xil Amerika modern yozuvchilari asarlaridan tarjimalar e’lon qilinishi o‘zbek kitobxonlarining zamonaviy AQSH adabiyotiga bo‘lgan e’tiborini ulg‘aytirdi. Buni hisobga olgan holda, mazkur to‘plamda o‘quvchilar e’tiboriga hozirgi davr AQSH romannavislarining asarlari havola etilmoqda. Shu paytgacha o‘zbek tilida «Zamonaviy Amerika romanlari» to‘plam holida chop etilmaganligi bois ushbu nashr adabiyot ixlosmandlariga munosib sovg‘a bo‘lishidan umidvormiz.