Zulfiqor

Kitobxonlarimiz bisotida bugungi kunda kitob haqidagi vazmin mulohazalar kam, ularning bir to‘plam holida jamlangani esa barmoq bilan sanarli. E’tiboringizga havola etilayotgan “Zulfiqor” nomi bilan chop etilayotgan taqrizlar, kichik esselar va iqtiboslardan jamlangan ushbu kitob Ilhom Salimovning hozirgi adabiy jarayonni sinchkovlik bilan kuzatayotganidan darak beradi. Adabiy jarayon doimiy tahlil, tanqidga ehtiyoj sezadi. Shu ma’noda, Ilhom Salimov va uning o‘n mingdan ortiq obunachiga ega bo‘lgan “The Stranger” telegram kanalida muntazam yoritiladigan mavzular diqqatga sazovordir.