Zulmat ichra nur

Mirkarim Osimning «Zulmat ichra nur» asarida davlat arbobi, faylasuf va shoir Alisher Navoiyning yoshligi lo'nda va qiziqarli tarzda bayon etilgan. Qissada Alisher Navoiy yoshligidanoq boshqa bolalardan ajralib turgani Sharafiddin Ali Yazdiy bilan muloqot shaklida ajib mahorat bilan ko'rsatilgan. Navoiy bir guruh bolalar bilan ulug' tarixchi Ali Yazdiyni ko'rib qoladi. Shunda boshqa tengdoshlari ko'cha boʻylab qochganida Navoiy ulardan ajralib, tarixchiga salom beradi. Savollariga odob bilan samimiy ohangda javob qaytaradi. Sharafiddin Ali Yazdiy bolakayga «Borakallo. Bul jamoat bolalaridin biz choqirg'onda sen kelib, men bila oshno boʻlding. Kel, sening uchun fotiha o'qoli...» deya duo qiladi. Alisher Navoiyning besh asrdan buyon dunyoda ulug'lanib, nomi so'nmas yulduzdek porlab turganiga uning zehni, ota-onasining go'zal tarbiyasi bilan bir qatorda aynan ulug' insonlarning duolari sabab bo'lgandir, balki. Asar «Yosh kitobxon» tanlovi doirasida nashrga tayyorlandi.